कमल राज पौडेल
बर्दिया, २८ भदौ । एकिकृत कृषि तथा पशु पन्छी विकास कार्यालय गुलरिया बर्दिया काकार्यालय प्रमुख विनोद घिमिरेको कृषि ब्यवसाय प्रर्वद्धन सहयोग तथा तालिम केन्द्र खजुरा बाँकेमा सरुवा भएको छ । उहाँको ठाँउमा कृषि ज्ञान केन्द्र बाँकेका प्रमुख सागर ढकाल आउने भएका छन ।
२०७७ साल साउन २१ गते स्थापना भएको एकिकृत कृषि तथा पशुपन्छी विकास कार्यलयमा २०७७ असोज ७ गते कार्यालय प्रमुखको रुपमा काम सुरु गरेका घिमिरेले आफनो कार्य अवधीको २३ महिना २३ दिनमा बर्दिया जिल्लामा शुलभ कर्जा सहजीकरण तथा व्याज अनुदान कार्यक्रम, तरकारी र खाद्यबाली उत्पादनका लागि करार खेती, कृषिकर्मी रोजगारी कार्यक्रम, सहकारी विकास कोष कार्यक्रम, स्मार्ट कृषि गाउँकार्यक्रम, हरित स्वंमसेवक विकास तथा परिचालन कार्यक्रम, मिसन कार्यक्रम (बाख्रा, भेडा, बंगुर, लसुन, प्याज, कागती, सुन्तला, मकै र आलु), चक्लाबन्दी सहितको नमुनाफर्म स्थापना कार्यक्रम, दुधउत्पादन बृद्धिका लागि भैंसी ब्लक विकास कार्यक्रमका साथै रोड कोरिडोर कार्यक्रम, कृषिबजार विकास पूर्वाधार कार्यक्रम,पशुमालाग्ने खोरेत रोग उन्मुलन अभियान कार्यक्रम, कृषि पुस्तकालय स्थापना, ड्रागेन पूmड् विस्तार कार्यक्रम, घरदैलो (डोर टु डोर) कार्यक्रम, पोषण सुधारका लागि ग्रामिण महिला कुखुरा पालन कार्यक्रम र भेटेरिनरी प्रयोगशाला सेवा कार्यालयको स्थापना गरेर समग्र बर्दियाको कृषि र पशु क्षेत्रको विकासका साथै कृषकको आयस्तर बृद्धिका लागि उल्लेखनीय कार्य गरेका छन ।
उनले गरेको कार्यको मुल्याङ्गकन बर्दियाका कृषकहरुले गर्नुका साथै लुम्बिनी प्रदेश सरकारले समेत गरेको छ । आर्थिक वर्ष २०७७÷०७८ मा लुम्बिनी प्रदेश भित्रका १२ वटा जिल्लाहरु मध्ये बर्दिया जिल्ला उत्कृष्ट छनोट भएको थियो भने घिमिरे पनि सम्मानित भएका थिए ।
घिमिरे सरुवा भै गएको कृषि ब्यवसाय प्रर्वद्धन सहयोग तथा तालिम केन्द्र खजुरा बाँके लुम्बिनी प्रदेश स्तरीय तालिम केन्द्र भएता पनि उसका कार्यक्रमहरु हालसम्म बाँकेमा मात्र सिमित रहेको देखिएको छ । आउने दिनमा घिमिरेको प्रशासनिक अनुभब र जोस जागरले तालिम केन्द्र खजुराले प्रदेश भित्रका १२ वटै जिल्लाका कृषकहरुलाई सेवा दिन सकोस र आउने दिनमा त्यो कार्यालय पनि पुरस्कृत र सम्मानित हुन सकोस ।
