ध्रुबराज शर्मा
नेपालगन्ज १८ फागुन । बाँकेको राप्ती सोनारी गाउँपालिकाको मानव अधिकार समूहसँग छलफल बैठक गरिएको छ । डीसीएको आर्थिक सहयोग र अनौपचारिक क्षेत्र सेवा केन्द्र (इन्सेक)द्वारा सञ्चालित संरक्षण परियोजना अन्तर्गत राप्ती सोनारी गाउँपालिकाको मानव अधिकार समूहसँग छलफल भएको हो ।
मानव अधिकार समूहले अनुभव साटासाट गर्दै राप्ती सोनारी गाउँपालिकामा बाल विवाह नरोकिएको र वातावरण तथा जलवायु परिवर्तन सचेतना नभएको लागुपदार्थ दुव्र्यशनीमा बालबालिका संलग्न रहेको जस्ता समस्या पहिचान गरेको छ ।
समुहका सदस्यहरु वडास्तरको न्यायीक समितिमा रहेर मेलमिलाप गरिरहेको र शिक्षा ,स्वास्थ्य , हिंसामा परेका छात्रवृद्धि नपाएका , अपाङ्ग परिचय पत्र नपाएकाहरुको सेवा लिन तथा अधिकारबाट बञ्चित भएकाहरुलाई सहजीकरण गर्ने गरेका छन ।
मानव अधिकार समूह संयोजक धनी वलीले मानव अधिकार शिक्षा , स्वास्थ्य , वातावरण अधिकार र विभेद विरुद्ध अनुगमन गरेर वडा तथा स्थानिय सरकारलाई सुझाव दिने गरेको र कतिपय समाधान पनि भएको बताउदै सामाजिक न्यायका लागि समूहलाई दिगोपना तथा निरन्तरता दिएर पालिका स्तर र वडा स्तरको समुहलाई सक्रियता साथ काम गर्ने प्रतिबद्धता गर्नुभयो ।
वलीले मानव अधिकार समुहको वडासँग समन्वय गरेर वडा स्तरमा बैठक बस्ने कार्ययोजना तय गरेको बताउनुभयो । बैठकमा डिसीएका कार्यक्रम अधिकृत टेकनाथ आचार्यले मानव अधिकार समूहले मौलिक हक मध्ये वातावरण अधिकारमा जोड दिनुपर्ने कुरामा जोड दिदै समूहको दिगोपनाका लागि बैठकको आयोजना गरेको बताउनु भयो ।
