सैनामैना । सैनामैनामा संचालित पाँचौ राष्ट्रिय सैनामैना कृषि, पर्यटन तथा औद्योगिक व्यापार मेलामा स्थानीय उत्पादनलाई अवलोकनकर्ताले विशेष प्रथामिकता दिएका छन ।
मेलामा स्थानीय स्तरबाट उत्पादन भएको बाँसको फर्निचर, थाकलबाट बनेको टोपी झोला एवं ढाकाबाट निर्मित कपडाहरु प्राथमिकतामा परेको स्थानीयले बताएका छन । मेलामा स्थानिय स्तरबाट उत्पादन भएको बिभिन्न प्रकारको अचारहरु र स्थानिय दुग्धजन्य उत्पादनले उनीहरुको ध्यानार्कषण गरेको छ ।
बुद्धकालीन महत्वको सैनामैनालाई चिनाउने र कृषि, पर्यटनका क्षेत्रमा रहेका सम्भावनालाई साकार पार्ने उद्देश्यले सैनामैना व्यापार संघले सैनामैना महोत्सव सञ्चालन गरेको आयोजक संस्थाले बताएको छ ।
सैनामैनाको भौगोलिक,सामाजिक, आर्थिक, तथा सांस्कृतिक विविधतालाई सम्मान गर्दै सन्तुलित र समन्यायीक विकासमा महत्वपूर्ण सफलता हासिल गरेसंगै सैनामैनाको मुहार विस्तारै फेरिदै गएको र त्यसलाई विस्तार गर्न महोत्सव एउटा माध्यम हुने सैनामैना व्यापार संघले जनाएको छ ।
सैनामैना नगरपालिकाले दिएको सिप मुलक तालिमको सदुपयोग गर्दै स्थानीय महिलाले हस्तकलाका बस्तुहरु उत्पादन गर्दै आएका छन् । स्थानीय महिलाहरुले आफै उत्पादन गरेका सामग्रीहरु सैनामैना व्यापार संघले आयोजना गरेको महोत्सवको स्टलमा राखेका छन् ।
स्थानिय उत्पादन र व्यवसायीलाई अगाडि बढाउने उद्देश्यले व्यापार मेलाको आयोजना गरिएको मेला आयोजक मुल समिति संयोजक सुरेन्द्र पौडेलले बताउनुभयो । मेलाले स्थानीय उत्पादन र व्यसायीको प्रवद्र्धन र संरक्षण हुने बिश्वास समेत लिएको संयोजक पौडेलको बताउनुभयो । शिक्षा, कृषि, पर्यटन, उद्योग र व्यापारका क्षेत्रमा तयार पारिएका आधारशीलाको कार्यान्वयन गर्दै समृद्ध सैनामैना निर्माणमा निजी क्षेत्रको सहभागिता बढाउने उद्देश्यले सैनामैना ब्यापार संघ केन्द्रित रहेको कार्यवाहक पौडेलको भनाइ छ ।
सार्वजनिक निजी साझेदारीमा “समृद्ध सैनामैना, खुसी र सुखी सैनामैना बासी”को लक्ष्य साकार पार्न सकिने सोंचका साथ सोही अनुरुपका कार्यक्रम तयार पारिएको उहाँले बताउनुभयो ।
बाँसबाट निर्मित बिभिन्न सामाग्रीहरु
मेलामा बाँसबाट बनेको टेवल, कुर्र्र्र्र्ची, मुढा, कोठा सजावटका सामाग्री पाउन सकिन्छ । स्थानिय महिलाहरुले नगरपालिकाले बिगतमा दिएको सीप मुलक तालिमको सदुपयोग गर्दै बाँसका सामग्री निर्माण गरी मेलामा बिक्री वितरणका लागि राखिएको छ । मेला स्टलमा बाँसबाट बनेको घरायसी तथा सजावटका समान पाउन सकिने स्थानिय महिला व्यवसायी जौमाया श्रेष्ठ बताउनुहुन्छ । सामाग्री अनुसार रु। १ सय देखी रु २ हजार ५ सय सम्म ति सामग्री पाउने सकिने वास व्यवसायी पुजा थापा बताउनुहुन्छ ।
ढाकाबाट निर्मित बिभिन्न पोशाक तथा जुत्ता चप्पल
स्थानीय महिलाहरुले निर्माण गरिएको झोला, जुत्ता, चप्पल, गून्यु चोली एवं ढाका र तानबाट उत्पादन गरिएको नेपाली पहिरनहरु पाउन सकिन्छ । बालबालिका, महिला तथा बिभिन्न जातजातिका पहिरनहरु समेत मेला स्टलमा पाउन सकिन्छ ।
थाकलबाट निर्मित सामाग्री
स्थानीय महिलाहरुले उत्पादन गरेका थाकलका बिभिन्न सामाग्रीहरु मेला स्थलमा पाउन सकिन्छ । थाकलबाट बनेको टोपी, झोला एवं घरायसी प्रयोगका बिभिन्न सामाग्रीहरु पाउन सकिने स्थानिय थाकल ब्यवसायी प्रिया थापा बताउनुहुन्छ । स्थानीय जंगलबाट थाकल संकलन गरी महिलाहरुले उत्पादन गरेका थाकलबाट निर्मित विभिन्न सामग्रीहरु मेला स्टलमा बिक्री गर्दै आएको समेत थापाले बताउनु भयो ।
